Святая блаженная матушка Ксения – одна из самых почитаемых русским народом святых. При жизни она была оборванной нищенкой с Петроградской стороны Петербурга и не имела ни всенародного почитания, ни славы, хотя и тогда о ее деяниях уже было известно. Сегодня же к ее часовне на Смоленском кладбище ежедневно стекается множество верующих. Они обращаются к святой в самых разных жизненных ситуациях и по своим молитвам получают великое утешение и помощь.

1
Жизнь и житие

О начале земного пути святой известно немного. Дата рождения Ксении Григорьевны приходится на двадцатые годы восемнадцатого столетия. Предполагают, что святая родилась в дворянской семье. По достижении совершеннолетия она вышла за придворного певчего Андрея Петрова, служившего в государевой Капелле. В то время он состоял в ранге полковника.

Но недолго продолжалось семейное счастье. Андрей простудился и после короткой болезни внезапно отошел ко Господу. Это горе поразило молодую женщину. Но страшнее всего для набожной Ксении было то, что горячо любимый муж умер без покаяния и Причастия святых Христовых Тайн.

Вот тогда для нее и наступил миг переосмысления ценностей, изменивший всю дальнейшую жизнь молодой женщины. Она поняла всю бренность недолгого земного счастья и хотела все силы положить на то, чтобы быть с любимым мужем в вечной жизни.

Ксения решила вымолить любимого мужа, не успевшего достойно приготовить себя к жизни вечной. Отныне все ее время было посвящено искренней молитве за его душу и исполнению заповеди Божией о любви к ближнему.

Все дальнейшие действия молодой вдовы указывали на то, что она от горя лишилась рассудка. Надев на себя камзол умершего мужа, она стала утверждать, что "раба Божия Ксения умерла, а ее зовут Андрей Федорович". С этой поры она стала отзываться только на это имя. Раздав имущество нищим, свой дом Ксения отписала хорошей знакомой Прасковье Антоновой.

Безутешную женщину старались образумить. Провели даже психическое освидетельствование, которое, однако, показало, что она находится в здравом рассудке и памяти, а за свои действия полностью отвечает.

1.1
Начало служения

Ксения уже была готова всей жизнью служить Господу и выбрала очень сложный путь служения - юродство Христа ради. Она достойно прошла этот путь, безропотно принимая от людей непонимание, осуждение, грубость. Босая, в лохмотьях, она целыми днями ходила по Петроградской стороне. Но под лохмотьями постоянно творилась молитва: с наступлением ночи Ксения уходила за город и до восхода солнца молилась за весь мир, оборачиваясь поочередно на все четыре стороны света.

Постепенно побои и поношения прекратились. Жители Петроградской стороны привыкли к нищенке, а затем стали уважать и даже полюбили ее.

На исходе своих дней Ксения уже почиталась у жителей Петербурга как духовная подвижница. Торговцы наперебой зазывали ее в свои лавочки, а извозчики просили проехать в экипажах: это сулило на весь день удачу и обилие клиентов.

Матери были рады, если она приласкает ребенка, поскольку знали: больное дитя обязательно поправится, а здоровое будет расти послушным и добрым.

За великие духовные подвиги Господь наделил святую даром прозорливости и чудотворения. Еще при жизни Ксенией было совершено немало чудес, рассказы о которых до сих пор передаются из уст в уста.

1.2
Бог сына послал

Придя в гости к Параскеве Антоновой, святая Ксения указала ей, чтобы та скорее бежала на Смоленское кладбище, потому что ей "Бог сына послал". Прибежав туда, Параскева увидела огромную толпу, которая окружила перевернутую повозку. Была сбита беременная женщина, которая перед смертью разрешилась от бремени. У нее родился мальчик, отца которого так и не смогли найти.

Бездетная Параскева вырастила и воспитала ребенка как родного сына. Мальчик рос послушным и смышленым. Став взрослым, он всячески оберегал приемную мать, заботился и достойно содержал ее.

1.3
Укрощение пожара

Блаженная Ксения, встретив на улице свою хорошую знакомую, протянула ей монету со словами "Возьми пятак, потухнет". Та, недоумевая, что означают эти слова, побежала к своему дому.

Еще издали она увидела, что он горит, но еще не успела добежать, как по молитвам святой огонь был потушен.

1.4
Предсказание смерти императрицы Елизаветы Петровны

24 декабря 1761 года Ксения бегала по городу, крича: "Пеките блины, пеките!" (блины в то время было принято печь, поминая усопших). На следующий день умерла императрица Елизавета Петровна.

2
Смоленское кладбище

Еще одним местом, связанным с судьбой святой блаженной Ксении Петербургской, является Смоленское кладбище. Здесь начались ее подвижнические труды, здесь обрела она свой покой.

В то время на кладбище шло строительство каменной церкви во имя Смоленской иконы Божией матери. Строители, придя утром на работу, видели, что ночью кто-то наносил на верхние пролеты строящегося храма целые груды кирпичей. Удивляясь появлению незримого помощника, они решили установить ночное дежурство. Вскоре было обнаружено, что это нищенка Ксения работает каждую ночь, помогая строительству храма Божия.

3
Память

Умерла Ксения предположительно в конце XVIII или начале XIX века. Народ еще задолго до официальной канонизации стал почитать ее как святую. Уже тогда на ее могилке было многолюдно. Верующие приходили со своими просьбами и чаяниями и всегда получали ответ на свои молитвы. Вскоре объявили сбор средств, и над могилой была поставлена деревянная часовня, которую позже заменили каменной.

В советское время часовню на Смоленском кладбище несколько раз закрывали, затем опять открывали. Так, по просьбам верующих, она была открыта в 1947 году, но в шестидисятые годы ее опять закрыли.

Память о святой продолжала жить в сердцах петербуржцев. Они приходили к запертым дверям, веруя, что святая услышит их. В эти годы появилась традиция молиться у закрытой часовни, приникнув лбом к ее стенке. Она сохранилась и до наших дней, несмотря на то, что часовня давно открыта и каждый день принимает тысячи паломников.

В 1982 году часовня на Смоленском кладбище была признана религиозным объектом и передана в ведение Русской Православной церкви. Святая блаженная матушка Ксения была официально причислена к лику святых на Поместном Соборе 6 июня 1988 года.

4
Почитание святой

Жизнь святой и опыт общения с ней отражены в молитвах и песнопениях. Например, в седалене (поется на 5 глас) из праздничного канона святой Ксении, переведенный с церковнославянского языка на русский: "Странницей в городе святого Петра явилась, благоволением Божиим укрепляемая, мать премудрая, Божественных чудес и даров удостоилась, имеющая дерзновение к Христу Богу, мир испроси душам нашим и великую милость".

Святой блаженной Ксении молятся о многих житейских проблемах:

  • о мире в семье;
  • об исцелении от тяжких недугов;
  • о благополучном разрешении судебных тяжб;
  • об удачном устройстве на работу.

Матушка Ксения ждет от верующих искренней чистой молитвы. Придя к ее часовенке, рекомендуется вести себя следующим образом:

  • Стоя в очереди, надо вознести молитву святой: можно молиться своими словами, а можно взять из дома молитвослов или книжку с акафистом.
  • Войдя в часовню, следует подать записочки о здравии и об упокоении ближних, приобрести свечи, чтобы поставить у иконы Ксении Блаженной, приложиться к надгробию. Можно прочитать тропарь: "Нищету Христову возлюбивши, безсмертные трапезы ныне наслаждаешися, безумием мнимым безумие мира обличивши, смирением крестным силу Божию восприяла еси, сего ради дар чудодейственныя помощи стяжавшая, Ксение блаженная, моли Христа Бога избавитися нам от всякого зла покаянием.
  • В часовне регулярно служатся молебны о здравии и панихиды об усопших. Подав записочки, хорошо будет помолиться вместе со священником о своих родных и близких.
  • После молебна надо подойти к священнику, который помазывает верующих маслом, освященным на гробнице святой блаженной Ксении.

Многие пишут записки с просьбами святой и оставляют их у стен часовни. Кроме того, считается, что для исполнения просимого необходимо обойти вокруг часовни 3 раза.

Но это не более чем народная традиция. Отец Виктор Московский, настоятель храма Смоленской иконы Божией матери, говорит: "Главное - приходить с верой, с молитвой, а не с магической цифрой "три" в голове. Можно ведь и 10 раз обойти вокруг часовни, а толку не будет. По вере вашей, да будет вам…"

5
Священные тексты блаженной Ксении

День памяти Ксении Петербургской празднуется по церковному календарю 2 раза в году – 6 февраля и 6 июня. В этот день свои именины отмечают женщины и девочки, носящие имя Ксения. Весь этот православный праздник наполнен трогательными славословиями и молитвами святой матушке.

В этот день в Смоленском храме служится Божественная Литургия, на которой все, отмечающие день Ангела причащаются Святых Христовых Тайн. В ее часовне священник при огромном скоплении верующих служит праздничный молебен с акафистом.

5.1
Акафист

Слово "акафист" с греческого переводится как "пение, которое следует исполнять стоя". Он состоит из 12 песен. Каждая представляет собой кондак (краткое молитвословие, раскрывающее суть праздника), соединенный с икосом (молитвословие, в котором прославляется святой).

5.1.1
Кондак 1

Избра́нная уго́дница и Христа́ ра́ди юро́дивая, свята́я блаже́нная ма́ти Ксе́ние, избра́вшая по́двиг терпе́ния и злострада́ния, хвале́бное пе́ние прино́сим ти́, чту́щия святу́ю па́мять твою́. Ты́ же заступи́ на́с от вра́г ви́димых и неви́димых, да зове́м ти́:

Ра́дуйся, Ксе́ние блаже́нная, моли́твеннице о душа́х на́ших.

5.1.2
Икос 1

Равноа́нгельнаго жития́ взыска́ла еси́, блаже́нная ма́ти, по успе́нии му́жа твоего́ отве́ргла еси́ ми́ра сего́ красоту́ и вся́, я́же в не́м: по́хоть оче́с, по́хоть пло́ти и го́рдость жите́йскую, юро́дством ра́зум Христо́в стяжа́ла еси́. Того́ ра́ди услы́ши от на́с похвалы́, тебе́ возноси́мыя:

Ра́дуйся, житие́м твои́м Андре́ю, Христа́ ра́ди юро́дивому ра́вная; ра́дуйся, и́мени своего́ отре́кшаяся, себе́ же уме́ршей именова́вшая. Ра́дуйся, в юро́дстве и́мя му́жа твоего́ Андре́я прия́вшая; ра́дуйся, и́менем му́жеским назва́вшись, не́мощи же́нской отреши́вшаяся.

Ра́дуйся, все́ име́ние твое́ до́брым лю́дям и ни́щим разда́вшая; ра́дуйся, нищету́ доброво́льную Христа́ ра́ди прия́вшая. Ра́дуйся, ве́ка сего́ суему́дрия юро́дством твои́м отверга́тися на́с научи́вшая; ра́дуйся, блага́я уте́шительнице все́х, в моли́тве к тебе́ прибега́ющих. Ра́дуйся, Ксе́ние блаже́нная, моли́твеннице о душа́х на́ших.

5.1.3
Кондак 2

Ви́дя стра́нное твое́ житие́, я́ко ты́ презре́ла еси́ до́м сво́й и вся́кое мирско́е бога́тство, родны́е по пло́ти безу́мной тя́ полага́ху, лю́дие же гра́да Петро́ва, ви́дя смире́ние твое́, нестяжа́ние и во́льную нищету́, воспе́ли Бо́гу: Аллилуйа!

Аллилу́иа, аллилуиа, аллилуиа!

5.1.4
Икос 2

Ра́зум, от Бо́га тебе́ да́нный, ты́, Ксе́ние блаже́нная, в мни́мом безу́мии скры́ла еси́; в суете́ гра́да вели́каго а́ки пусты́нница жила́ еси́, моли́твы Бо́гу свои́ вознося́ непреста́нно. Мы́ же, дивя́щеся таково́му житию́ твоему́, взыва́ем тебе́ хвале́бно:

Ра́дуйся, кре́ст тя́жкий юро́дства, от Бо́га тебе́ да́нный, на ра́ма своя́ прия́вшая; ра́дуйся, мни́мым безу́мием сия́ние благода́ти скрыва́вшая. Ра́дуйся, да́р прозорли́вости смире́нием кра́йним и по́двигом моли́твы стяжа́вшая; ра́дуйся, да́р се́й на по́льзу и спасе́ние стра́ждущих явля́вшая.

Ра́дуйся, страда́ния людски́я прозорли́во в да́ли необозри́мей зре́вшая; ра́дуйся, жене́ до́брой о рожде́нии сы́на проре́кшая. Ра́дуйся, я́ко жене́ то́й у Бо́га ча́до испроси́вшая; ра́дуйся, все́х к Бо́гу в моли́тве прибега́ти научи́вшая. Ра́дуйся, Ксе́ние блаже́нная, моли́твеннице о душа́х на́ших.

5.1.5
Кондак 3

Си́лою свы́ше, от Бо́га тебе́ дарова́нной, зно́й и лю́ту сту́жу му́жественно претерпева́ла еси́, распина́я пло́ть свою́ со страстьми́ и похотьми́. Те́м же Ду́хом Святы́м просвеща́емая, взыва́ла непреста́нно Бо́гу: Аллилуиа!

Аллилу́иа, аллилуиа, аллилуиа!

5.1.6
Икос 3

Име́я, о блаже́нная, не́бо покро́вом себе́, зе́млю же ло́жем свои́м, отве́ргла еси́ плотоуго́дие Ца́рства Бо́жия ра́ди. Мы́ же, зря́ще таково́е твое́ житие́, со умиле́нием зове́м ти́:

Ра́дуйся, жили́ще свое́ земно́е лю́дям отда́вшая; ра́дуйся, небе́снаго кро́ва взыска́вшая и получи́вшая. Ра́дуйся, ничто́же земно́е иму́щая, а все́х духо́вно богатя́щая; ра́дуйся, житие́м свои́м терпе́нию на́с науча́ющая.

Ра́дуйся, любо́вь Бо́жию лю́дям показу́ющая; ра́дуйся, плода́ми благоче́стия украше́нная. Ра́дуйся, терпе́ние и незло́бие ми́ру яви́вшая; ра́дуйся, те́плая предста́тельница на́ша пред престо́лом Всевы́шняго. Ра́дуйся, Ксе́ние блаже́нная, моли́твеннице о душа́х на́ших.

5.1.7
Кондак 4

Бу́рю жите́йскую, во гра́де Петро́ве мяту́щуюся, кро́тостию и незло́бием преодоле́ла еси́, блаже́нная ма́ти, безстра́стие же к тле́нному ми́ру стяжа́ла еси́. Те́м же и пое́ши Бо́гу: Аллилу́иа!

Аллилуиа, аллилуиа, аллилуиа!

5.1.8
Икос 4

Слы́ша о тебе́, я́ко ты́, злостра́жда Христа́ ра́ди, ско́рбных утеша́еши, немощны́х укрепля́еши, заблу́ждших на пу́ть пра́вый наставля́еши, лю́дие стра́ждущия к по́мощи твое́й прибега́ху, воспева́юще тебе́:

Ра́дуйся, пу́ть Христо́в все́м се́рдцем возлюби́вшая; ра́дуйся, кре́ст Христо́в ра́достно поне́сшая. Ра́дуйся, вся́кое поноше́ние от ми́ра, пло́ти и диа́вола претерпе́вшая; ра́дуйся, даро́в Бо́жиих преиспо́лненная. Ра́дуйся, любо́вь к бли́жним яви́вшая; ра́дуйся, стра́ждущим лю́дям утеше́ние подава́вшая. Ра́дуйся, сле́зу пла́чущих отира́вшая; ра́дуйся, благода́тию Ду́ха Свята́го чуде́сно согрева́емая. Ра́дуйся, Ксе́ние блаже́нная, моли́твеннице о душа́х на́ших.

5.1.9
Кондак 5

Боготе́чной звездо́ю яви́лася свя́тость твоя́, Ксе́ние блаже́нная, освети́вшая небоскло́н гра́да Петро́ва. Уже́ бо лю́дем, ги́бнущим в безу́мии греха́, ты́ яви́ла пу́ть спасе́ния, все́х к покая́нию призыва́я, во е́же вопи́ти Бо́гу: Аллилу́иа!

Аллилуиа, аллилуиа, аллилуиа!

5.1.10
Икос 5

Ви́дя по́двиги твоя́ в моли́тве, терпе́нии хла́да и зно́я, благочести́вые лю́ди пыта́хуся ума́лити страда́ния твоя́, оде́жду тебе́ и пи́щу принося́ще. Ты́ же вся́ сия́ ни́щим раздава́ла еси́, жела́я в та́йне по́двиг сво́й сохрани́ти. Мы́ же, дивя́ся во́льней нищете́ твое́й, взыва́ем ти́ си́це:

Ра́дуйся, зно́й и сту́жу Христа́ ра́ди доброво́льно терпе́вшая; ра́дуйся, в моли́тве непреста́нно пребыва́вшая. Ра́дуйся, гра́д Петро́в всено́щным бде́нием от бе́д огражда́вшая; ра́дуйся, гне́в Бо́жий мно́гажды от него́ отвраща́вшая. Ра́дуйся, во все́ дни́ го́да ноча́ми в по́ле моли́вшаяся; ра́дуйся, сла́дость ра́йскую в нищете́ духо́вной вкуси́вшая. Ра́дуйся, я́ко в сла́дости се́й вся́ земна́я оста́вившая; ра́дуйся, я́ко вся́ в Бо́зе пребыва́вшая. Ра́дуйся, Ксе́ние блаже́нная, моли́твеннице о душа́х на́ших.

5.1.11
Кондак 6

Пропове́дуют свя́тость жития́ твоего́, богоблаже́нная, вси́ изба́вленнии тобо́й от многоразли́чных боле́зней, бе́д и скорбе́й, бога́тии и убо́зии, ста́рцы и ю́ныя. Те́м же и мы́, прославля́юще тя́, Бо́гу вопие́м: Аллилу́иа!

Аллилуиа, аллилуиа, аллилуиа!

5.1.12
Икос 6

Возсия́ла сла́ва по́двигов твои́х, блаже́нная ма́ти, егда́ ты́ но́щию строи́телем це́ркви Смоле́нской ка́мни та́йно носи́ла еси́, облегча́я де́лателей церко́вных. Сия́ ве́дуще, и мы́ гре́шнии зове́м ти́ такова́я:

Ра́дуйся, та́йно твори́ти доброде́тели на́с науча́ющая; ра́дуйся, к по́двигом благоче́стия все́х призыва́ющая. Ра́дуйся, строи́телем хра́мов Бо́жиих помога́ющая; ра́дуйся, свя́тость церко́вную возлюби́вшая. Ра́дуйся, труды́ на́ши на пути́ спасе́ния облегча́ющая; ра́дуйся, к тебе́ прибега́ющих ско́рая помо́щница. Ра́дуйся, все́м скорбя́щим блага́я уте́шительница; ра́дуйся, гра́да Петро́ва небе́сная засту́пница. Ра́дуйся, Ксе́ние блаже́нная, моли́твеннице о душа́х на́ших.

5.1.13
Кондак 7

Хотя́ изба́вити от ско́рби пла́чущаго врача́, жену́ хорони́вшаго, ты́ повеле́ла не́коей деви́це на О́хту бежа́ти и та́мо му́жа себе́ обрести́ и уте́шити. И соверши́шася та́ко, я́коже ты́ рекла́ еси́. Они́ же в ра́дости воспе́ша Бо́гу: Аллилу́иа!

Аллилуиа, аллилуиа, аллилуиа!

5.1.14
Икос 7

Но́вое чу́до в моли́тве свое́й показа́ла еси́ ты́, блаже́нная ма́ти, егда́ рекла́ еси́ жене́ благочести́вой: “Возьми́ пята́к, поту́хнет”. Си́м прорекла́ е́й о пожа́ре до́ма ея́. И по моли́тве твое́й пла́мень огня́ угасе́. Мы́ же, ве́дяще сия́, вопие́м ти́ похва́льная:

Ра́дуйся, ско́рби людски́я угаша́ющая; ра́дуйся, дерзнове́ние пред Бо́гом за стра́ждущих яви́вшая. Ра́дуйся, свече́ неугаси́мая, в моли́твах к Бо́гу я́рко горя́щая; ра́дуйся, предста́тельница на́ша в беда́х и напа́стех. Ра́дуйся, страстьми́ одержи́мых от ги́бели спаса́ющая; ра́дуйся, благочести́вых де́в от бра́ка неве́рнаго отвраща́ющая. Ра́дуйся, клевето́ю уя́звленных от отча́яния избавля́ющая; ра́дуйся, на суде́ непра́веднем ско́рая защи́тница. Ра́дуйся, Ксе́ние блаже́нная, моли́твеннице о душа́х на́ших.

5.1.15
Кондак 8

Стра́нницей бездо́мней прошла́ еси́ пу́ть жи́зни твое́й в сто́льном гра́де оте́чества на́шего, в вели́цем терпе́нии ско́рби и поноше́ния неся́. Ны́не же в го́рнем Иерусали́ме пребыва́я, в ра́дости пое́ши Бо́гу: Аллилу́иа!

Аллилуиа, аллилуиа, аллилуиа!

5.1.16
Икос 8

Все́м вся́ была́ еси́, Ксе́ние блаже́нная: скорбя́щим утеше́ние, немощны́м покро́в и защище́ние, печа́льным ра́дование, ни́щим одея́ние, боля́щим исцеле́ние. Сего́ ра́ди и вопие́м тебе́:

Ра́дуйся, в го́рних, оби́телях пребыва́ющая; ра́дуйся, о на́с гре́шных та́мо моля́щаяся. Ра́дуйся, благи́й о́браз служе́ния Бо́гу яви́вшая; ра́дуйся, уни́женных и гони́мых покрови́тельница. Ра́дуйся, правосла́вный люд моли́твами твои́ми заступа́ющая; ра́дуйся, оби́димых и моля́щихся тебе́ защища́ющая. Ра́дуйся, оби́дящих вразумля́ющая; ра́дуйся, неве́рных и глуми́телей посрамля́ющая. Ра́дуйся, Ксе́ние блаже́нная, моли́твеннице о душа́х на́ших.

5.1.17
Кондак 9

Вся́кия претерпе́ла еси́ боле́зни, блаже́нная ма́ти, нищету́ теле́сную, гла́д и жа́жду, еще́ же и поноше́ние от люде́й беззако́нных, и́же мня́ху тя́ безу́мной бы́ти. Ты́ же, Го́споду моля́ся, вы́ну взыва́ла Ему́: Аллилу́иа!

Аллилуиа, аллилуиа, аллилуиа!

5.1.18
Икос 9

Вети́я многовеща́нныя не мо́гут разуме́ти, ка́ко ты́ безу́мием свои́м безу́мие ми́ра сего́ обличи́ла еси́ и не́мощию свое́ю посрами́ла еси́ кре́пкия и му́дрыя. Не ве́дают бо в тебе́ Бо́жией си́лы и Бо́жией прему́дрости. Мы́ же, по́мощь твою́ получи́вше, пое́м ти́ такова́я:

Ра́дуйся, Боже́ственнаго Ду́ха носи́тельнице; ра́дуйся, со апо́столом Па́влом не́мощию свое́ю хвали́вшаяся. Ра́дуйся, мни́мым безу́мием свои́м ми́р обличи́вшая; ра́дуйся, красоту́ ве́ка своего́ спасе́ния ра́ди отве́ргшая. Ра́дуйся, небе́сная бла́га все́м се́рдцем возлюби́вшая; ра́дуйся, на пу́ть спасе́ния на́с призыва́ющая. Ра́дуйся, во грехе́ пия́нства гро́зная обличи́тельнице; ра́дуйся, безме́здным враче́м и ми́лостивым все́м бы́вшая. Ра́дуйся, Ксе́ние блаже́нная, моли́твеннице о душа́х на́ших.

5.1.19
Кондак 10

Хотя́ спасти́ ду́шу, ты́ пло́ть свою́ со страстьми́ и похотьми́ распя́ла еси́ и, невозвра́тно себя́ отве́ргши, кре́ст сво́й на ра́ма своя́ возложи́ла еси́ и Христу́ все́м се́рдцем после́довала еси́, поя́ Ему́: Аллилу́иа!

Аллилуиа, аллилуиа, аллилуиа!

5.1.20
Икос 10

Стена́ еси́ тве́рдая и прибе́жище необори́мое яви́лась моля́щимся тебе́, ма́ти Ксе́ние. Те́м же заступа́й и на́с от вра́г ви́димых и неви́димых моли́твами твои́ми, да зове́м ти́:

Ра́дуйся, на тру́д духо́вный на́с воздвига́ющая; ра́дуйся, от сете́й вра́жиих на́с избавля́ющая. Ра́дуйся, фимиа́м кади́льный, Бо́гу приноси́мый; ра́дуйся, ми́р Бо́жий в сердца́ люде́й принося́щая. Ра́дуйся, ду́х зло́бы в сердца́х озло́бленных угаша́ющая; ра́дуйся, де́тем благи́м благослове́ние подаю́щая. Ра́дуйся, та́йною моли́твою и́х от боле́зней исцеля́ющая; ра́дуйся, ми́ру озло́бленному му́дрость Бо́жию яви́вшая. Ра́дуйся, Ксе́ние блаже́нная, моли́твеннице о душа́х на́ших.

5.1.21
Кондак 11

Пе́ние хвале́бное прино́сят ти́, Ксе́ние блаже́нная, спа́сшиеся твои́ми моли́твами от бе́д и скорбе́й, и вся́ких напа́стей, и ку́пно с тобо́ю ра́достно пою́т Бо́гу: Аллилу́иа!

Аллилуиа, аллилуиа, аллилуиа!

5.1.22
Икос 11

Светоза́рным све́том яви́лось житие́ твое́, свята́я ма́ти, во мра́ке жития́ сего́ освеща́ющим лю́ди. Ты́ бо па́дших из ти́ны греха́ изба́вила еси́ и к све́ту Христо́ву напра́вила еси́ пу́ть и́х. Те́м же и зове́м ти́:

Ра́дуйся, правосла́вных люде́й Бо́жиим све́том просвеща́ющая: ра́дуйся, Христо́ва уго́дница, в ми́ре надми́рно пожи́вшая. Ра́дуйся, труды́ мно́гими вели́кую благода́ть стяжа́вшая; ра́дуйся, во тьме́ греха́ благода́тию Бо́жиею сия́вшая. Ра́дуйся, отча́явшимся на пути́ спасе́ния ру́ку по́мощи подаю́щая; ра́дуйся, немощны́х в ве́ре укрепля́ющая. Ра́дуйся, духо́в зло́бы посрамля́ющая; ра́дуйся, житие́м свои́м А́нгелов удиви́вшая. Ра́дуйся, Ксе́ние блаже́нная, моли́твеннице о душа́х на́ших.

5.1.23
Кондак 12

Благода́ть оби́льно источа́еши, Ксе́ние блаже́нная, на чту́щих па́мять твою́ и прибега́ющих к покро́ву твоему́. Те́м же и на́м, тебе́ моля́щимся, источи́ от Бо́га струи́ исцеле́ния, да зове́м Ему́: Аллилу́иа!

Аллилуиа, аллилуиа, аллилуиа!

5.1.24
Икос 12

Пою́ще мно́гая чудеса́ твоя́, блаже́нная ма́ти, восхваля́ем тя́ и всеусе́рдно мо́лим, не оста́ви на́с гре́шных в ско́рбных обстоя́ниях, но умоли́ Го́спода си́л, да не отпаде́м от ве́ры на́шея правосла́вныя, в Не́м же тобо́ю утвержда́еми зове́м ти́:

Ра́дуйся, сострада́ти стра́ждущим на́с науча́ющая; ра́дуйся, не́мощи на́ша всеусе́рдно врачу́ющая. Ра́дуйся, распина́ти пло́ть со страстьми́ и похотьми́ науча́ющая; ра́дуйся, о чту́щих па́мять твою́ хода́таице и покрови́тельнице. Ра́дуйся, ско́рбный пу́ть проше́дшая; ра́дуйся, спасе́ние ве́чное си́м улучи́вшая. Ра́дуйся, ко гро́бу твоему́ притека́ющим отра́ду подаю́щая; ра́дуйся, о спасе́нии Оте́чества на́шего при́сно хода́тайствующая. Ра́дуйся, Ксе́ние блаже́нная, моли́твеннице о душа́х на́ших.

5.1.25
Кондак 13

О, свята́я блаже́нная ма́ти Ксе́ние, в житии́ твое́м кре́ст тя́жкий поне́сшая! Приими́ от на́с, гре́шных, моле́ние сие́, к тебе́ приноси́мое. Огради́ на́с моли́твами твои́ми от наве́тов духо́в тьмы́ и все́х, мы́слящих на́м зла́я. Умоли́ всеще́драго Бо́га пода́ти на́м си́лу и кре́пость, да ки́йждо от на́с во́зьмет кре́ст сво́й и во сле́д Христу́ гряде́т, поя́ Ему́ с тобо́ю: Аллилу́иа, аллилуиа, аллилуиа! Этот конда́к чита́ется три́жды, зате́м и́кос 1-й и конда́к 1-й.

После прочтения акафиста принято на коленях возносить молитву святой:

О свята́я уго́дница Бо́жия блаже́нная Ксе́ние! При́зри ми́лостиво твои́м о́ком на на́с, ра́б Бо́жиих (имена́), честному твоему образу уми́льно моля́щихся и прося́щих у тебе́ по́мощи и заступле́ния. Простри́ ко Го́споду Бо́гу на́шему те́плыя твоя́ моли́твы и испроси́ душа́м на́шим оставле́ние прегреше́ний. Се́ бо мы́ се́рдцем сокруше́нным, и ду́хом смире́нным тебе́ хода́таицу ми́лостивую ко Влады́це и моли́твенницу за ны́, гре́шныя, призыва́ем, я́ко ты́ прия́ла еси́ от Него́ благода́ть моли́тися за ны́ и от бе́д избавля́ти.

Тебе́ у́бо про́сим, не пре́зри на́с недосто́йных, моля́щихся тебе́ и твое́й по́мощи тре́бующих, и исхода́тайствуй все́м вся́ ко спасе́нию поле́зная, я́ко да твои́ми ко Го́споду Бо́гу моли́твами получи́вши благода́ть и ми́лость просла́вим все́х благи́х Исто́чника и Даропода́теля и Бо́га Еди́наго, в Тро́ице Святе́й сла́вимаго. Отца́ и Сы́на и Свята́го Ду́ха, ны́не и при́сно и во ве́ки веко́в.

5.2
Канон

Еще один вид славословия, возносимого блаженной Ксении Петербургской - праздничный канон, который читается и поется на на вечерней службе. Это хвалебное песнопение состоит из 9 песен. Каждая песня включает в себя тропарь, произносимый чтецом, и ирмос, исполняемый хором.

Канон построен таким образом, что в нем ветхозаветные пророчества сопоставляются с событиями нового завета, то есть раскрываются в различных моментах жизни прославляемого святого.

5.2.26
Песнь 1

Ирмо́с: Во́ду проше́д я́ко су́шу, и еги́петскаго зла́ избежа́в изра́ильтянин вопия́ше: Изба́вителю и Бо́гу на́шему пои́м.

Водо́ю креще́ния омы́вшися, перворо́днаго греха́ изба́вилась еси́, ма́ти Ксе́ние, и на́ша сердца́ слеза́ми покая́ния очи́сти, просвеще́ние подаю́щи почита́ющым святу́ю па́мять твою́. В воде́ креще́ния зми́я лука́ва потопи́вшая, житие́м твои́м страда́льческим вра́жию си́лу умертви́ла еси́, блаже́нная, от нея́же и на́м изба́витися Спа́са умоли́.

Сла́ва: Во́ду живу́ю неистощи́мых даро́в подаде́ тебе́ Христо́с, блаже́нная ма́ти, Его́же нищету́ во́льно возлюби́ла еси́.

И ны́не: Во́ды покая́ния пода́ждь ми́, Пречи́стая, и, очи́стивши мя́ от нечистоты́ грехо́вныя, чи́ста предста́ви, Богороди́тельнице, Сы́ну Твоему́ и Бо́гу.

5.2.27
Песнь 3

Ирмо́с: Небе́снаго кру́га Верхотво́рче, Го́споди, и Це́ркве Зижди́телю, ты́ мене́ утверди́ в любви́ Твое́й, жела́ний кра́ю, ве́рных утвержде́ние, Еди́не Человеколю́бче.

Небе́снаго кру́га Зижди́телю все́ житие́ свое́ отда́вши, возлюби́ла еси́ до конца́, сподо́би и на́с моли́твами твои́ми, блаже́нная, люби́ти Го́спода до конца́ дни́й на́ших. Небе́сныя жи́зни жела́я, в житии́ твое́м вся́ земна́я пренебрегла́ еси́, сподо́би и на́с, ма́ти Ксе́ние, моли́твами твои́ми Небе́сныя жи́зни дости́гнути.

Сла́ва: Небе́снаго черто́га жела́ющи, стра́нническое житие́ прешла́ еси́, и ны́не со все́ми святы́ми в Небе́сных черто́зех лику́еши.

И ны́не: Небе́снаго Творца́, Богоро́дице всепе́тая, ро́ждши, Небе́с простра́ннейшая яви́лася еси́. На́с от простра́ннаго пути́ поги́бельнаго укло́ньше, на Небе́сный пу́ть наста́ви, мо́лимся.

Седа́лен, гла́с 5-й:Я́ко стра́нница во гра́де свята́го Петра́ яви́лася еси́, благоволе́нием Бо́жиим укрепля́ема, ма́ти прему́драя, Боже́ственных даро́в и чуде́с удосто́ившаяся. Те́мже, иму́ще дерзнове́ние ко Христу́ Бо́гу, ми́р испроси́ душа́м на́шым и ве́лию ми́лость.

5.2.28
Песнь 4

Ирмо́с: Услы́шах, Го́споди, смотре́ния Твоего́ та́инство, разуме́х дела́ Твоя́ и просла́вих Твое́ Божество́.

Услы́шавши, Ксе́ние, я́ко Небеса́ пове́дают сла́ву Бо́жию, отве́ргла еси́ суету́ мирску́ю и в по́двизе поста́ и лише́ния на земли́ Бо́га сла́вити возжеле́ла еси́, Его́же сла́вити и на́с сподо́би. Услы́шавши и уразуме́вши дела́ Госпо́дня, просла́вила еси́ Его́ Божество́, наде́ждою и любо́вию к Нему́ украси́вши ду́шу твою́, по́двигами благоче́стия просвети́лася еси́, блаже́нная, Бо́жиею си́лою укрепля́емая.

Сла́ва: Услы́шавши преще́ния вра́жеския и вся́кия ко́зни от ни́х терпя́щи, непоколеби́ма пребыла́ еси́, и на́с непоколеби́мых в доброде́телех утверди́.

И ны́не: Услы́ши, Пречи́стая Влады́чице, моле́ния на́ша, и изба́ви на́с от наси́лия вра́жия, и гла́с Христо́в, призыва́ющий благослове́нныя в Ца́рство, услы́шати сподо́би.

5.2.29
Песнь 5

Ирмо́с: Просвети́ на́с повеле́нии Твои́ми, Го́споди, и мы́шцею Твое́ю высо́кою Тво́й ми́р пода́ждь на́м, Человеколю́бче.

Просвеща́хуся ве́рнии лю́дие, зря́ще незло́бие и кро́тость твою́, ма́ти Ксе́ние, помози́ и на́м, блаже́нная, подража́ти твоему́ незло́бию. Просвети́вши стезю́ жи́зни твоея́ све́том Богоразу́мия, Христа́ Го́спода вседу́шне возлюби́ла еси́, сподо́би и ны́, блаже́нная Ксе́ние, в се́м бы́ти тебе́ подража́тели.

Сла́ва: Просвети́ на́с, о ма́ти Ксе́ние, наде́ждою и любо́вию ко Го́споду, ны́не бо зря́щи Христа́ лице́м к лицу́, све́та неизрече́ннаго наслажда́ешися, Тому́ за ны́ моли́ся.

И ны́не: Просвети́ла еси́ омраче́нное естество́, Богоро́дице, Све́т И́стинный ро́ждши, те́мже и на́с све́том просвети́вши, от мра́чных вра́г свободи́.

5.2.30
Песнь 6

Ирмо́с: Моли́тву пролию́ ко Го́споду и Тому́ возвещу́ печа́ли моя́, я́ко зо́л душа́ моя́ испо́лнися и живо́т мо́й а́ду прибли́жися и молю́ся, я́ко Ио́на: от тли́, Бо́же, возведи́ мя.

Моли́тву, я́ко исто́чник приснотеку́щий, ны́не излива́еши, неду́жныя исцеля́ющи, кре́пость и си́лу стра́ждущым подаю́щи, сподо́би и на́с моли́твами твои́ми изба́витися от вся́ких лю́тых. Моли́твою небе́сною и по кончи́не твое́й от неду́г свобожда́еши, цели́тельнице безме́здная, досто́йно хвали́ма еси́ на земли́, моли́ся о душа́х на́ших.

Сла́ва: Моли́тву на́шу приими́, ма́ти Ксе́ние, да в честны́й хра́м тво́й прии́дем со тща́нием, и неду́гов душе́вных и страсте́й теле́сных исцеле́ние ско́ро прии́мем.

И ны́не: Моли́твою Твое́ю Всемо́щною, Пречи́стая, изба́ви на́с от вра́г ви́димых и неви́димых, от грехо́в и вся́кия му́ки, я́ко ро́ждшая Человеколю́бца Бо́га.

Конда́к, гла́с 3-й:Дне́сь све́тло лику́ет гра́д свята́го Петра́, я́ко мно́жество скорбя́щих обрета́ют утеше́ние, на твоя́ моли́твы наде́ющеся, Ксе́ние всеблаже́нная, ты́ бо еси́ гра́ду сему́ похвало́ и утвержде́ние.

И́кос:Ка́ко возмогу́, гре́шный а́з, скве́рный душе́ю и те́лом, пове́дати е́же во пло́ти равноа́нгельное житие́ твое́ и пресла́вная чудеса́? А́ще у́бо мно́зи прему́дрии не дерза́ют испове́дати мно́гаго твоего́ терпе́ния и смире́ния и те́плыя ко Христу́ любве́, но оба́че наде́яся на твое́ заступле́ние, о блаже́нная, вопию́ ти: Ра́дуйся, я́ко везде́ призыва́ющих тя́ ско́ро предваря́еши, ра́дуйся, я́ко мно́жество скорбя́щих обрета́ют тобо́ю утеше́ние, ра́дуйся, свята́я блаже́нная Ксе́ниа, гра́ду сему́ похвало́ и утвержде́ние.

5.2.31
Песнь 7

Ирмо́с: О́троцы евре́йстии в пещи́ попра́ша пла́мень дерзнове́нно и на ро́су о́гнь преложи́ша, вопию́ще: благослове́н еси́, Го́споди Бо́же, во ве́ки.

О́троки евре́йския А́нгел от огня́ неопа́льны сохрани́ и тебе́, Ксе́ние, в стра́нничестем житии́ укрепи́, пою́щу: благослове́н еси́, Го́споди Бо́же, во ве́ки. Де́тем ева́нгльски подража́ла еси́ в житии́ твое́м, стезю́ те́сную проше́дши в незло́бии, те́мже и на́с на по́двиг доброде́тели сия́ укрепи́, пою́щих: благослове́н еси́, Го́споди Бо́же, во ве́ки.

Сла́ва: Отроко́м в пещи́ халде́йстей подража́ющи, Ксе́ние, воспева́ла еси́ Христа́, да́вшаго ти́ кре́пость, те́мже и мы́, чту́ще тя́, блаже́нная, со дерзнове́нием зове́м: Благослове́н еси́, Го́споди Бо́же, во ве́ки.

И ны́не: Отрокови́це Де́во, простри́ на на́с ми́лость Сы́на Твоего́, да кроме́шныя тьмы́ изба́вимся мольба́ми Твои́ми, пою́ще: благослове́н еси́, Го́споди Бо́же, во ве́ки.

5.2.32
Песнь 8

Ирмо́с: Победи́тели мучи́теля и пла́мене благода́тию Твое́ю бы́вше, за́поведем Твои́м зело́ прилежа́ще, о́троцы вопия́ху: благослови́те вся́ дела́ Госпо́дня Го́спода.

Победи́тельница страсте́й яви́лася еси́, Ксе́ние, лю́тая искуше́ния вра́жия побежда́ющи и непреста́нно пою́щи: благослови́те вся́ дела́ Госпо́дня Го́спода. Побежда́ющи вся́кия стра́сти грехо́вныя, ты́, блаже́нная, я́ко све́тла звезда́ яви́лася еси́, приво́диши бо же́ны, па́дшия во грехи́, во е́же целому́дренно жи́ти и в покая́нии воспева́ти: благослови́те вся́ дела́ Госпо́дня Го́спода.

Сла́ва: Победи́тельница греха́ яви́лася еси́, блаже́нная ма́ти, благода́ть Вы́шняго иму́щи. Те́мже Небе́сная дости́гла еси́, иде́же ны́не со А́нгелы пое́ши: Благослови́те вся́ дела́ Госпо́дня Го́спода.

И ны́не: Побе́де во бра́нех духо́вных ве́рным посо́бствуеши, Пресвята́я Де́во, те́мже и лю́дем гра́да на́шего по́мощь Твою́ низпосли́, да Тя́ вы́ну пое́м: Благослови́те вся́ дела́ Госпо́дня Го́спода.

5.2.33
Песнь 9

Ирмо́с: Вои́стинну Богоро́дицу Тя́ испове́дуем, спасе́ннии Тобо́ю, Де́во Чи́стая, с безпло́тными ли́ки Тя́ велича́юще. Вои́стинну ра́зум Христо́в име́ла еси́, Ксе́ние, смире́ние, кро́тость, ве́ру несумне́нну, наде́жду и любо́вь, я́же к Бо́гу, и на́с сподо́би, да с тобо́ю Христа́ при́сно велича́ем. Вои́стинну на тебе́, Ксе́ние блаже́нная, испо́лнися Христо́во прорече́ние: претерпе́вый до конца́, то́й спасе́н бу́дет, ны́не бо со все́ми спасе́нными Христа́ при́сно велича́еши.

Сла́ва: Вои́стинну никто́же, притека́яй к тебе́, блаже́нная ма́ти, то́щь благода́ти Бо́жия отхо́дит, ея́же и на́с испо́лни, да тя́ велича́ем.

И ны́не: Вои́стинну Богоро́дицу Тя́, Де́во и Ма́ти Сло́ва, Хода́таицу су́щую на́м, Со́лнце Пра́вды возсия́вшую, ве́рнии, единому́дренно пе́сньми велича́ем.

Свети́лен:Я́коже со́лнце светоно́сно, возсия́ ны́не, блаже́нная ма́ти, па́мять твоя́, вся́ ве́рныя веселя́щи, и́же моли́твенно взыва́ют ти́: моли́ся приле́жно спасти́ся на́м.

Все эти молитвы и славословия являются итогом многолетнего народного почитания святой блаженной Ксении. В дни своей жизни она сумела стяжать совершенную любовь к Богу и людям, которая жива и сейчас. Многие утверждают, что по ее молитвам обрели семью, нашли хорошую работу, стали счастливыми родителями. Однако нельзя забывать, что подобные, безусловно радостные события становятся преддверием главного чуда - обращения человеческой души к Богу.